Menua

Berriak

Mujer sonriendo frente a un portátil mientras señala la pantalla con un bolígrafo y toma notas en una libreta.

Lurralde inklusibo baten neurrira egindako prestakuntzak

Datozen hilabeteetan turismo irisgarrian oinarritutako formakuntza programa abian jarriko da. Formakuntzak askotariko profilentzat izango dira: turismoko langile teknikoak, erakundeetako kudeatzaileak, tokiko garapeneko agenteak eta tokiko establezimenduak. Helburua parte hartzaile bakoitzari irisgarritasuna egunerokotasunean aplikatu ahal izateko tresna praktikoak ematea da. Accesscity eskolarekin batera antolatutako formakuntza hauek, teoria, kasu praktikoak eta dinamika parte hartzaileak konbinatuko dituzte.

Irisgarritasuna ezin da bat-batean egin, ikasi eta praktikan jarri behar da. Hortaz, datozen hilabeteetan tokiko hainbat profilei bideratutako turismo irisgarriari buruzko formakuntza multzo bat abian jarriko da. Ikastaroak turismoko langile teknikoentzat, udal arduradunentzat, tokiko garapenerako agenteentzat eta ostalaritza, merkataritza edo jarduera turistikoak kudeatzen dituztenentzat izango dira.

Prestakuntzak teoria eta praktika uztartuko ditu, ikuspegi berritzaile batekin: "irisgarritasun-katea" zer den ikastetik hasi eta benetako establezimenduetan auto-auditoriak egiteraino. Horrez gain, tresna espezifikoak eskainiko dira parte-hartzaile bakoitzak ikasitakoa aplika dezan. Helburua argia da: eskualdeko ekosistema turistikoa osatzen duten pertsona guztiek benetako helmuga inklusiboa bermatzeko behar diren ezagutza eta gaitasunak izatea. benetako helmuga inklusiboa bermatzea..

Personas asistiendo a una conferencia en un auditorio, con una ponente en el escenario y una pantalla de presentación proyectada al fondo.

Urriak 29: Turismo Irisgarriari bidea zabaltzeko eguna

Plazaola-Sakana-Ultzamaldea eskualdea turismo inklusiboa sustatzeko ekitaldi garrantzitsu bat hartzeko prestatzen ari da. Turismoaren irisgarritasunari buruzko lehen ekitaldia urriaren 29an egingo da, erakundeak, elkarteak, enpresak eta herritarrak erronka komun baten inguruan biltzeko: guztiontzat irekita dagoen helmuga bat eraikitzea. Mahai-inguruak, murgiltze-esperientziak eta sorkuntza-espazioak egongo dira Irisgarritasunaren aldeko Tokiko Ituna osatzen hasteko.

Urriaren 29a data garrantzitsua da Plazaola-Sakana-Ultzamaldearentzat: Turismo Irisgarriari buruzko lehen jardunaldia izango baitugu. Ez da edozein ekitaldi izango, baizik eta hausnartzeko, ikasteko eta, batez ere, lurraldeak irisgarritasunarekin konpromisoa hartzeko eguna izango da. Egunean zehar, proiektua aurkeztuko da eta mahai-inguruak, aurkezpenak eta eguneroko bizitzan oztopoak dituztenen azalean jartzeko aukera emango diguten murgiltze-esperientziak egongo dira.

Horrez gain, elkarrizketarako espazioak irekiko dira arrakasta-istorioak partekatzeko eta elkarrekin Irisgarritasunerako Tokiko Ituna sortzeko, erakundeen, elkarteen, enpresen eta herritarren konpromiso bateratua. Ekitaldi hau ez da soilik planaren aurkezpen ofiziala izango, gure eskualdea inklusioan, berrikuntzan eta guztiontzako kalitatezko turismoan erreferente izan nahi duela erakusteko aukera ere izango da.

Auriculares con micrófono apoyados sobre un teclado de ordenador, con un teléfono fijo desenfocado al fondo.

Abian dira jada irisgarritasunari buruzko inkesta telefonikoak

Proiektua aurrera doa ekintza gako batekin: inguruko negozio, zerbitzu eta turismo baliabideei telefono bidezko inkestak egitea. Elkarrizketa hauei esker azpiegituren, instalazioen eta garraioaren egungo irisgarritasun egoeraren berri izango dugu, hasierako ebaluaziorako ezinbesteko informazioa. Datu horiekin, jarduerak lehenetsi eta Plazaola-Sakana-Ultzamaldeako eskaintza turistiko inklusiboaren mapa osoago eta errealistago baterantz jo ahal izango da.

Irisgarritasun Plana dagoeneko abian jarri da. Datozen asteetan telefono bidezko inkestak egingo zaizkie Plazaola-Sakana-Ultzamaldeako enpresa eta agente turistikoei. Galdera soil batzuen bitartez ostatuen, jatetxeen, zerbitzuen, garraioaren eta baliabide turistikoen irisgarritasun-mailari buruzko informazio gakoa bilduko da.

Fase hau funtsezkoa da: egungo egoeraren benetako ebaluazioa lortzeko aukera emango digu, eta, horretan oinarrituta, ekintza zehatzak lehenetsiko dira. Emaitzen bidez jakingo dugu zein establezimendu dauden dagoeneko prestatuta, zeinek behar dituzten doikuntza txikiak eta zeinek behar dituzten aldaketa sakonagoak.

Azken finean, sektoreari entzuten, datu fidagarriak biltzen eta lurraldearen irisgarritasun-mapa egiten hastea da kontua. Ezinbestekoa da tokiko eragile guztien parte hartzea inkesta hauetan, elkarrekin turismo bidezkoagorantz eta irekiagorantz aurrera egiteko.